طريقة عمل الكنافة زي المحلات بمناسبة رمضان

 

 

 

بسم الله الرحمن الرحيم

السلام عليكم ورحمة الله وبركاته


طبعا كل واحدة بيبقى نفسها تعمل كنافة زي اللي بتجيبها من المحل تكون ملفوفة وشكلها جميل ومتبقاش مجرد صينية كنافة عادية على شكل مربعات او سامبوكسات وعشان كده هقولكم ازا طريقة عمل الكنافة الصوابع وطبعا كلنا عارفين ان شهر رمضان شهر العبادة والرحمة والكرم وصلة الرحم وبنلاقي الناس كلها فرحانين برمضان وبيعزمو بعض والعائلات بتتجمع مع بعضها وتبقى لمة رمضان احلى لمة وست البيت بتعمل عزومات واكلات مختلفة مش بناكلها الا في رمضان وبس لأنها اكلات مميزة بنعرفها برمضان ومنها القطايف وناس كتير مش بتعمل الكنافة غير في رمضان
اولا هتشتري كنافة بس مش من البلدي وتكون طويلة ومظبوطة مش منعكشة وتكون طازة وطرية
هتسيحي الزبدة او تسخني السمنة اللي هتستخدميها وبالفرشاة ادهني الكنافة بعد طبعا ما تاخدي شريط رفيع منها كده طويا ومظبوط تددهنيه بالفرشاة وتليفه على صباعك التخين ده وتحطيه في الصنية هتكون الكنافة طويلة كده بعد ما تشيليها من صباعك هتحطي جواها الحشو لوز وبندق وزبيب او سوداني حسب ما تحبي وحسب الامكانيات وبعدين تدخلي الجزء اللي طالع ده وتكملي كده وترصي الصوابع كلها جنب بعضيها وفي الآخر هتجيبي صنية تانية بنفس مقاس الصنية اللي بتحطي فيها الكنافة و تحطيها ع الصنية وتضغطي عشان الكنافة تتساوى ادهني وش الصنية بالسمنة وطبعا قبل ما تحطي الكنافة هتكوني دهناها من تحت ودخليها الفرن وبعد ما تخرجيها اسقيها بالشربات البارد وبالهنا والشفا